मुख्यमंत्री देवेंद्र फडणवीस यांच्या वाढदिवसानिमित्त कोल्हापुरात भव्य रक्तदान शिबिर | भाजपाचे नागरिकांना सहभागाचे आवाहन

कोल्हापूर | नवप्रवाह मराठी 

  राज्याचे मुख्यमंत्री देवेंद्र फडणवीस यांच्या २२ जुलै रोजी होणाऱ्या वाढदिवसानिमित्त भारतीय जनता पार्टीच्या वतीने राज्यभर "सेवा, सुशासन व गरीब कल्याण" अभियानांतर्गत विविध समाजोपयोगी उपक्रमांचे आयोजन करण्यात आले आहे.

या अभियानाचा भाग म्हणून १९ ते २३ जुलै २०२६ या कालावधीत संपूर्ण महाराष्ट्रात भव्य रक्तदान शिबिरांचे आयोजन करण्यात आले असून, एक लाख रक्ताच्या बाटल्यांचे संकलन करण्याचे महत्त्वाकांक्षी उद्दिष्ट निश्चित करण्यात आले आहे. हा उपक्रम महाराष्ट्र भाजपाचे प्रदेशाध्यक्ष रविंद्र चव्हाण यांच्या मार्गदर्शनाखाली राबविण्यात येत आहे.

याच अभियानांतर्गत भारतीय जनता पार्टी, कोल्हापूर जिल्हा यांच्या वतीने १९ जुलै रोजी भाजपा जिल्हा कार्यालय, नागाळा पार्क, कोल्हापूर येथे सकाळी १० ते सायंकाळी ५ या वेळेत भव्य रक्तदान शिबिराचे आयोजन करण्यात आले आहे.

या रक्तदान शिबिरामध्ये भाजपाचे पदाधिकारी, लोकप्रतिनिधी, कार्यकर्ते, युवा वर्ग तसेच सामाजिक बांधिलकी जपणारे नागरिकांनी मोठ्या संख्येने सहभागी होऊन रक्तदान करावे, असे आवाहन भारतीय जनता पार्टी, कोल्हापूर जिल्ह्याच्या वतीने करण्यात आले आहे.

"रक्तदान हे श्रेष्ठदान" या भावनेतून अनेक गरजू रुग्णांना जीवनदान देण्यासाठी सर्व नागरिकांनी या समाजोपयोगी उपक्रमात उत्स्फूर्त सहभाग नोंदवावा, असे आवाहनही करण्यात आले आहे.