कोल्हापूरमध्ये १४-१५ मार्चला कंदमुळांचे भव्य प्रदर्शन; २५० पेक्षा अधिक कंदमुळे पाहण्याची संधी

कोल्हापूर : नवप्रवाह मराठी 

विविध रानकंद वनस्पतींची ओळख, त्यांचा आहारातील वापर आणि औषधी गुणधर्म याबाबत जनजागृती करण्यासाठी कोल्हापूरमध्ये १४ आणि १५ मार्च रोजी कंदमुळांचे भव्य व माहितीपूर्ण प्रदर्शन आयोजित करण्यात आले आहे. या प्रदर्शनात तब्बल २५० पेक्षा अधिक प्रकारच्या कंदमुळांची शास्त्रीय माहिती आणि प्रत्यक्ष नमुने पाहायला मिळणार आहेत.हे प्रदर्शन कोल्हापूर शहरातील Yashwantrao Chavan Sabhagruh येथे भरवण्यात येणार असून आयोजन Kolhapur We Care, NGO Compassion 24 आणि Nisargankur Sanstha यांच्या संयुक्त विद्यमाने करण्यात आले आहे.प्रदर्शनाचे उद्घाटन १४ मार्च रोजी सकाळी १०.३० वाजता होणार असून प्रमुख पाहुणे म्हणून Sunil Phulari, Rupaarani Nikam, Sanjay Shinde, Mansing Bondre आणि Babasaheb Waghmode उपस्थित राहणार आहेत.

या प्रदर्शनात शतावरी, सफेद मुसळी, अमरकंद, सुरण, अळू, कमळकाकडी, साबुकंद, काळी हळद, आंबेहळद यांसारख्या विविध कंदवर्गीय वनस्पतींचे प्रकार प्रदर्शित केले जाणार आहेत. तसेच कंदमुळांपासून बनवले जाणारे विविध खाद्यपदार्थ, त्यांची पाककृती आणि चव चाखण्याचीही संधी नागरिकांना मिळणार आहे. काही कंदमुळे व वनस्पतींची रोपे विक्रीसाठी उपलब्ध असणार आहेत.

वनस्पती तज्ज्ञ Dr. Madhukar Bachulkar यांच्या माहितीनुसार, भारतातील विविध राज्यांमधून या कंदमुळांचे संकलन करण्यात आले आहे. कर्नाटक, महाराष्ट्र, ओडिशा, तामिळनाडू आणि केरळ या भागांतून आणलेल्या सुमारे २५० पेक्षा अधिक कंदांच्या जाती आणि प्रजातींचे प्रदर्शन येथे पाहायला मिळणार आहे.

“लेट्स गेट बॅक टू अवर रूट्स” या ब्रीदवाक्यांतर्गत आयोजित या प्रदर्शनातून आरोग्यदायी आणि रोगप्रतिकारक शक्ती वाढवणाऱ्या पारंपरिक कंदमुळांची माहिती नागरिकांना मिळणार आहे. विद्यार्थी, शेतकरी आणि सर्वसामान्य नागरिकांनी या प्रदर्शनाचा लाभ घ्यावा असे आवाहन आयोजकांनी केले आहे.हे प्रदर्शन सर्वांसाठी खुले असून प्रवेश विनामूल्य आहे. सकाळी १० ते सायंकाळी ७ या वेळेत नागरिकांना प्रदर्शन पाहता येणार आहे.