संसदेत कोल्हापूरच्या ट्रॅफिकचा मुद्दा; उड्डाण पुलासाठी खासदार धनंजय महाडिक यांची मागणी

नवी दिल्ली : नवप्रवाह मराठी 

  कोल्हापूर शहरातील वाहतूक कोंडी कमी करण्यासाठी तावडे हॉटेल ते छत्रपती शिवाजी पुलापर्यंत उड्डाण पुल उभारण्याच्या कामाला गती देण्याची मागणी खासदार Dhananjay Mahadik यांनी संसदेत केली. सध्या Parliament of India च्या अधिवेशनादरम्यान त्यांनी कोल्हापूरसह जिल्ह्यातील राष्ट्रीय महामार्गांच्या विविध प्रकल्पांबाबत प्रश्न उपस्थित केला.या वेळी केंद्रीय रस्ते वाहतूक मंत्री Nitin Gadkari यांनी सकारात्मक प्रतिसाद देत प्रकल्पांची सविस्तर माहिती दिली. कोल्हापूर जिल्ह्यातील रस्ते विकासासाठी केंद्र सरकारने मोठ्या प्रमाणात निधी दिल्याबद्दल खासदार महाडिक यांनी आभारही व्यक्त केले.

केंद्र सरकारकडून कागल ते सातारा सहा लेन कॉंक्रीट रस्त्यासाठी सुमारे २,१६२ कोटी रुपयांचा निधी मंजूर करण्यात आला आहे. तसेच कोल्हापूर ते रत्नागिरी चार लेन कॉंक्रीट रस्त्यासाठी ५,१९२ कोटी रुपये आणि कोल्हापूर ते सांगली चौपदरी रस्त्यासाठी १,१९२ कोटी रुपयांची कामे सुरू आहेत.दरम्यान, शिरोलीजवळील सांगली फाट्यापासून उचगावपर्यंत सुमारे ३.६ किलोमीटर लांबीचा पिलरवरील उड्डाण पुल उभारण्यात येणार आहे. या पुलासोबत कोल्हापूर शहरात प्रवेशासाठी बास्केट ब्रिज उभारण्यात येणार असून त्यामुळे महामार्गावरील वाहतूक कोंडी कमी होण्यास मदत होणार आहे.याचबरोबर तावडे हॉटेल ते Chhatrapati Shivaji Bridge दरम्यान उड्डाण पुल उभारण्याच्या कामाला गती मिळावी, हा पुल Panhala Road वरील कोतोलीपर्यंत वाढवावा तसेच त्याची एक बाजू फुलेवाडीपर्यंत नेण्यात यावी, अशी मागणी खासदार महाडिक यांनी केली.यावर उत्तर देताना मंत्री गडकरी यांनी स्पष्ट केले की, Kolhapur Municipal Corporation कडून युटिलिटी शिफ्टिंग आणि जमीन संपादनाची प्रक्रिया पूर्ण झाल्यास केंद्र सरकारकडून या उड्डाण पुलाच्या कामाला पूर्ण सहकार्य केले जाईल.

गेल्या काही वर्षांत कोल्हापूर जिल्ह्यात रस्ते विकासासाठी सुमारे २५ हजार कोटी रुपयांपेक्षा अधिक निधी मंजूर झाला असून अनेक महत्त्वाचे प्रकल्प पूर्ण झाले आहेत किंवा पूर्णत्वाच्या मार्गावर आहेत. शिरोली ते उचगाव दरम्यानच्या उड्डाण पुलासाठी सुमारे ९१३ कोटी रुपयांचा खर्च अपेक्षित आहे. तसेच कागल शहराजवळ ३५८ कोटी रुपयांच्या रस्ते प्रकल्पालाही मंजुरी देण्यात आल्याची माहिती मंत्री गडकरी यांनी संसदेत दिली.

संसदेत बोलताना मंत्री नितीन गडकरी यांनी कोल्हापूरबद्दल गौरवोद्गार काढत सहकार, कृषी, उद्योग आणि पर्यटन क्षेत्रात कोल्हापूर देशात आघाडीवर असल्याचे सांगितले. दरडोई उत्पन्नातही कोल्हापूरचे स्थान उल्लेखनीय असल्याचे त्यांनी नमूद केले.