कोल्हापूर : नवप्रवाह मराठी
शहरातील गांधीनगर-उचगाव परिसरातील बेकायदेशीर बांधकामांचा मुद्दा पुन्हा एकदा ऐरणीवर आला आहे. तावडे हॉटेल परिसरातील unauthorized constructions आणि सरकारी जागांवरील encroachment विरोधात करवीर तालुका शिवसेना उद्धव बाळासाहेब ठाकरे पक्षाने आक्रमक भूमिका घेत थेट कोल्हापूर महानगरपालिका आयुक्तांना निवेदन दिले आहे.
२०१२ पासून शिवसेनेचा संघर्ष :
गांधीनगर परिसरातील बेकायदेशीर बांधकामांविरोधात शिवसेनेच्या वतीने २०१२ पासून सातत्याने आंदोलने करण्यात आली. गांधीनगर बंद, निवेदने, court battle आणि शासनस्तरावर पाठपुरावा करून हा प्रश्न लावून धरल्याचे निवेदनात नमूद करण्यात आले आहे.
शिवसेनेच्या पदाधिकाऱ्यांनी सांगितले की, सुप्रीम कोर्टाचा निकाल हा बेकायदेशीर बांधकामधारकांना मोठा धक्का असून शासनाने न्यायालयाचा सन्मान राखत कठोर कारवाई करणे आवश्यक आहे. अन्यथा तीव्र आंदोलन छेडण्यात येईल, असा इशाराही देण्यात आला.
“सर्व अतिक्रमणे पारदर्शकपणे हटवा”
यावेळी बोलताना जिल्हाप्रमुख रविकिरण इंगवले यांनी सांगितले की, “Supreme Court च्या आदेशाचा आदर ठेवून कोणताही राजकीय दबाव न मानता सर्व अतिक्रमणे पारदर्शकपणे हटवली पाहिजेत.”
तर करवीर तालुका प्रमुख राजू यादव यांनी इशारा देताना म्हटले की, “अतिक्रमण झालेल्या बांधकामांना कोणत्याही प्रकारचे protection देण्याचा प्रयत्न झाला तर आम्ही पुन्हा सुप्रीम कोर्टात जाऊ.”
आयुक्तांना निवेदन :
ही मागणी करणारे निवेदन करवीर तालुका शिवसेनेच्या वतीने कोल्हापूर महानगरपालिका आयुक्त राजेंद्र भारूड यांना देण्यात आले.
यावेळी जिल्हाप्रमुख रविकिरण इंगवले, करवीर तालुका प्रमुख राजू यादव, शहर प्रमुख मंजित माने, कामगार सेना जिल्हाप्रमुख राजू सांगावकर, शहर समन्वयक सागर साळोखे, बाळासो नलवडे, योगेश लोहार, कैलास जाधव, दीपक अंकल, दीपक धिंग, रामराव पाटील, अजित चव्हाण, बाबुराव पाटील आदी पदाधिकारी व शिवसैनिक उपस्थित होते.
0 Comments